Menu
Flytjendur:
Sigríður Ósk Kristjánsdóttir mezzó sópran
Jóhannes Andreasen píanó
Hrólfur Sæmundsson baritón
Ármann Helgason klarinett
–
Ólöf Sigursveinsdóttir selló
Á þessum tónleikum verður sérstakur gestur, píanóleikarinn Jóhannes Andreasen frá Færeyjum. Hann er atkvæðamikill í færeysku tónlistarlífi og spilar einnig á alþjóðlegu tónleikasviði um árabil. Ármann Helgason er gestum Berjadaga kunnur og þeim sem fylgjast með íslensku tónlistarlífi. Á þessum tónleikum leiða saman hesta sína þau Jóhannes, Ármann og Ólöf í Beethoven klarinettutríói op. 11. Sigríður Ósk Kristjánsdóttir og Ármann flytja sönglag Sigursveins D. Kristinssonar fyrir söng og klarinett og Sigríður syngur einsöng við undirleik Jóhannesar í íslenskum lögum eftir Sigvalda Kaldalóns og Emil Thoroddsen. Óperusöngvarar kvöldsins, Hrólfur og Sigríður syngja perlur úr óperuheiminum og tónleikarnir enda á stórkostlegri tónsmíð Astor Piazzolla, Le Grand tango fyrir selló og píanó! Góða skemmtun og verið velkomin.
Hrólfur Sæmundsson, Ólöf og Jóhannes munu að auki frumflytja Vögguvísu við ljóð Jakobs Jóh. Smára eftir tónskáldið Báru Grímsdóttur til heiðurs Jóni Þorsteinssyni stórsöngvara og söngkennara sem lést 4. maí sl.