Berjadagar 2022
Á þriðja tug listamanna komu fram á Berjadögum tónlistarhátíð 2022 í Ólafsfirði og kenndi þar ýmissa grasa í tónsköpun landans: Þjóðlög, sönglög, ópera, kammertónlist og samvera í náttúrunni.
Berjadagar, hátíð sem á sér enga aðra líka þegar kemur að tengingu klassískrar tónlistar og náttúru. Þar sem Ólafsfjarðarmúli trónir ógnarstór mæta tónlistarmenn til að gleðja áheyrendur á sætasta tíma ársins þegar aðalbláberin búa sig í svartan lit og fyllast ,,dísætu’’. En fast situr Ólafsfjarðarmúli, hinn ægistóri hamar, og er tákn fyrir harðneskju íslenskrar náttúru; ekki langt frá hlíðum hans mótaðist einstakt mannlíf í Ólafsfirði og á Kleifum. Allt frá því land byggðist í mikilli einangrun eða þangað til göng milli Siglufjarðar og Ólafsfjarðar opnuðust og bæjarfélögin sameinuðust undir heitinu Fjallabyggð. Samhjálp og sjálfbærni einkenna samfélagið í Ólafsfirði með sterkri trú fólksins á almættið og náttúruna og því til vitnis er gullfalleg kirkja bæjarbúa í miðjum bænum þarsem gestir nutu ógleymanlegra tónleika með Chrissie Telmu Guðmundsdóttur og Einari Bjarti Egilssyni píanóleikara en einnig í guðþjónustu þarsem Ágústa Bergrós Jakobsdóttir sellóleikari lék einleik. Fram komu: